NASAKMIT sa Coast Guard District Southeastern Mindanao (CGDSEM) substation sa Governor Generoso, Davao Oriental ang nagkadaiyang talagsaon ug walay dokumento nga mga espisye sa mga langgam niadtong Nobyembre 28, 2024.
Ang giilang mga espisye nga nasakmit sa baybayon sa Barangay Pundaguitan mao ang 27 ka Mollucan Cockatoos, 21 ka Rainbow Lorikeets, 26 ka Red Lories, ug daghang ihap sa Northern ug Common Spotted Cuscus.
Base sa taho nga gihatag sa ahensiya, duha ka mga Indonesian nationals ug tulo ka Pinoy sakay sa wala girehistro nga bangkang de motor ang nadakpan sa Municipal Police Station sa kalapasan sa Republic Act 9147, labing nailhan isip Wildlife Protection Act.
Kasamtangan ang mga langgam gitunol na ngadto sa Department of Environment and Natural Resources (DENR)-Davao Region alang sa dugang imbestigasyon ug pag-atiman.
Samtang ang ilegal nga bangkang de motor daling gibiyahe sa Montserrat Fish Port sa samang munisipalidad alang sa dugang pakisusi.
Ang Moluccan cockatoo, o salmon-crested cockatoo (Cacatua moluccensis), mao ang mga espisye sa cockatoo nga gikan sa Seram archipelago sa eastern Indonesia.
Samtang ang espisye sa parrot labing nailhang rainbow lorikeet (Trichoglossus moluccanus) gikan sa Australia ngadto sa northern Queensland, ug nikatag na sa eastern nga kadagatan. Iyang habitat naglakip sa woodlands, coastal bushes, ug rainforests.
Sa pikas bahin, ang espisye sa parrot nga labing nailhan isip red lory (Eos bornea) nalakip ngadto sa pamilyang Psittaculidae. Ang rainbow lorikeet mao ang ginadakop human ang rainbow lorikeet.
Dugang pa, ang northern common cuscus, nga gitawag sab og gray cuscus, mao ang espisye sa marsupial sa pamilyang Phalangeridae nga lumad nga northern New Guinea ug kasikbit nga gamay nga mga isla. (David Ezra Francisquete)