Tambal sa leptospirosis, anti-tetanus libre
Hulagway gikan sa City Government of Davao Facebook

Tambal sa leptospirosis, anti-tetanus libre

GOOD news gumikan mohatag ang Davao City Health Office (CHO) og libreng tambal alang sa leptospirosis ug anti-tetanus shots sa mga nabahaan sa siyudad.

Atol sa gihimong i-Speak media forum Huwebes, Enero 18, 2024, giingon ni CHO Officer-In-Charge Dr. Tomas Miguel Ababon nga kung asa nahitabo ang baha adtoan dayon sa City Health District Office ang mga evacuation centers ug may dala silang tambal nga prophylaxis alang sa leptospirosis.

Sa mga nasamdan hatagan kini og tetanus toxoid, dressings ug antibiotics.

Dugang ni Ababon nga otomatik moresponde dayon ang mga district offices sa mga kalamidad dungan sa pagseguro nga adunay mga stock sa tambal ug libre ang mga serbisyo nga ilang ihatag.

Nakatala na ang CHO og 17 ka mga kaso sa leptospirosis sulod sa unang duha ka semana karong bulana apan wala pay natalang namatay tungod sa maong sakit.

Related Stories

No stories found.
SunStar Publishing Inc.
www.sunstar.com.ph