Top 1 most wanted sa Surigao sikop sa Davao

Top 1 most wanted sa Surigao sikop sa Davao
(Tampo nga hulagway)

NADAKPAN sa Davao City ang Top 1 most wanted sa Surigao del Sur nga dunay kasong frustrated murder ug kidnapping.

Sa report sa Davao City Police Office (DCPO), ang suspek mao si Leo (bansagon gitago), 39-anyos, ulitawo, drayber, ug residente sa Purok 6-A San Fernando, Bislig, Surigao del Sur.

Nasayran nga nasiplatan ang suspek sa Purok 1, Barangay Bunawan, Bunawan District, Davao City hinungdan nga gisilbi ang warrant of arrest niini.

Malampusong nadakpan ang suspek sa Bunawan Police Station pinaagi sa gahum sa warrant of arrest nga gilagdaan ni Presiding Judge Ambrosio N. Moleta sa Regional Trial Court, Eleventh Judicial Region, sa Bislig City, Surigao del Sur, Branch 46.

Dunay P200,000 nga bail bond ang suspek alang sa kasong Frustrated Murder samtang walay girekomenda nga piyansa ang kaso niini nga kidnapping.

Ang dinakpan hingpit nga gipahibalo sa iyang konstitusyonal nga katungod sa panahon sa pagdakop ug temporaryo nga gitanggong sa Bunawan Police Station alang sa dokumentasyon ug booking process. (JPC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph