NAMENTERYO ang gikonsiderang Top 1 sa drug watchlist sa siyudad sa Davao atol sa drug buy-bust operation sa mga sakop sa Buhangin Police Station alas 12:56 sa buntag, Marso 23, 2024 sa Ponte, Verde Subdvision, Phase 2, Barangay Communal, Buhangin District, Davao City.
Ang suspek giilang si alyas Win, hamtong ang pangedaron, kinsa napalitan ug nakuhaan sa iyang posisyon og gituohang shabu.
Lakip sa nakuha ang usa ka .45 caliber pistol nga may lima ka mga bala ug 50 gramos nga pinaugang dahon sa marijuana mokantidad og P6,000.
Gibutyag sa Buhangin police nga misukol ang suspek dihang namatikdan niini nga mga pulis ang iyang ka-transaksyon hinungdan nga napugos ang awtoridad nga iniyutralisa ang nahisgutan.
Anaa sa 110 gramos ang gidaghanon sa gituohang shabu kantidad og P748,000.
Una nang nagpasidaan si Davao City Mayor Sebastian Duterte nga way lugar sa syudad ang mga kriminal ug mga drug addict kay kung dili kini moundang molayas nalang, ug kung dili molayas, mamatay gyud kini.