Torre: Pag-ukoy kang ACQ iagi'g legal

Torre: Pag-ukoy kang ACQ iagi'g legal
(Tampo nga hulagway)

GIPASALIG sa bag-ong napahimutang nga si Police Regional Office-Davao Region (PRO-Davao) director Brigadier General Nicolas Torre III, nga sundon ang legal nga paagi sa paghupot sa mga kasong "human trafficking" ni Pastor Apollo Quiboloy.

Kini human nga si kanhi President Rodrigo Roa Duterte (FPRRD) nagpagawas og opisyal niyang pahayag niadtong Hunyo 13, 2024, nga nagpadayag sa iyang suporta ngadto sa mga misiyonaryo sa Kingdom of Jesus Christ (KOJC), ug dugang nagkanayon sa iyang plano sa paghimo og legal nga aksiyon batok sa mga opisyal sa pulis kinsa nalambigit sa giplano ug wa misunod sa balaud nga ronda.

Sa usa ka special press conference nga gihimo atol sa iyang pagpahimutang sa PRO-Davao Bagani Hall, Camp Catitipan, Davao City, Dominggo sa udto, Hunyo 16, 2024, ang acting director nitubag sa kontrobersiya sa bag-o pang hiniusang paglusad sa arrest warrant batok sa upat ka mga propedad sa gipangita nga televangelist.

Apan sa uwahing bahin, giangkon ni Torre nga wala siyay ideya sa nahimutangan sa pastor ug iyang gikonsidera ang isyu isip “secondary concern” samtang ang iyang administrasyon magtutok sa pagpatuman sa misyon ug bisyon sa PNP, nga mao ang pagpromotar sa kalinaw ug kahusay ug epektibong batakang serbisyo alang sa katawhan subay sa lagda sa Section 4, Article 2 sa 1987 constitution.

Kasamtangan ang kanhi director sa Communications and Electronics Service (CES) sa PNP di momugna og bisan unsang lakang o mando sa kaso ni Quiboloy ug pasagdan nga ang "potential cases" gunitan pinaagi sa saktong "legal channels".

Kahinumdoman, gidasig ni Duterte ang mga Pilipino nga kanunay sundon ang Konstitusyon, kung diin gitawag niya ang bag-o lang nahitabong tensiyon tali sa Philippine National Police-Special Action Force ug sa Criminal Investigation Detection Group (PNP-CIDG) ug tropa sa Special Action Force (SAF) ug mga miyembro sa KOJC isip “day of infamy." (DEF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph