Transisyon sa El Niño, La Niña bantayan

Transisyon sa El Niño, La Niña bantayan
PDDRMO-NorCot

TUNGOD sa pagkamatay sa mga gamot sa mga tanum sa pagkauga sa yuta ug sa grabeng kainit sa panahon, mosikad ang yuta ug kon mobundak ang pag-uwan, posibleng mohupa ang yuta ug moresulta sa pagbanlas ug pagdahili niini.

Kini maoy gipasabot ni Cotabato Provincial Disaster Risk Reduction and Management Officer Eng. Arnulfo Villaruz.

Matud niya magpadayon ang ilang pagpangandam tungod kay bisan og wala pa mahuman ang ilang interbensiyon ug pagpaminus sa epekto sa El Niño, ang La Nina naghulga sa kabukiran sa probinsiya.

Sa pagkakaron, aduna silay duha ka gadgets nga gitawag og Dynaslope nga maka-detect sa ground movement nga gibutang sa Brgy Kinarum, Magpet ug Bacung, Tulunan.

Plano nila nga palapdan pa ang pagpahimutang niini pinaagi sa tabang sa Philippine Institute of Volcanology and Seismology.

Sa kasamtangan, nakasinati og kusog nga pag-ulan ang siyudad sa Kidapawan ug mga lungsod sa probinsiya sa Cotabato nunot sa thunderstorm ug Inter Tropical Convergence Zone. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph