Traysikel drayber gipatay

Traysikel drayber gipatay
Hulagway gikan sa President Quirino Municipal Police Station

TACURONG CITY — Atraso o dumot ang gilantaw nga motibo sa awtoridad sa pagpusil-patay sa usa ka traysikel drayber alas 3:20 sa hapon, Lunes, Marso 4, 2024 sa probinsiya sa Sultan Kudarat.

Giila ang biktima nga mao si Asnadin Jose Del Rosario Salamanca, 41-anyos, minyo ug nagpuyo sa Tacurong City.

Sumala kang Sultan Kudarat Police Provincial Director Colonel Christopher Bermudez nga samtang nagmaneho ang biktima sa iyang traysikel uban ang babaye nga anak niini sa national highway Barangay Poblacion President Quirino Sultan Kudarat, kalit lang mibutho ang riding-in-tandem suspect ug gipusil si Salamanca gamit ang kalibre .45 nga pistola.

Abtik sab nga miikyas ang mga suspetsado paingon sa direksiyon sa Buluan Maguindanao Del Sur.

Patay gilayon ang biktima nga naigo sa iyang likod, nawong ug ulo samtang luwas ang anak niini.

Gi-angkon sab sa pamilya ni Salamanca nga dunay nadawat kining hulga nga siya patyon.

Sa kasamtangan ang kapulisan sa President Quirino Sultan Kudarat Province ang padayong nag-imbestiga sa pagpamusil-patay sa traysikel drayber. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph