Turismo sa Davao City palambuon

Turismo sa Davao City palambuon
Hulagway iya sa CIO-Davao

ALANG sa dugang pagpalambo sa turismo sa dakbayan sa Davao ingon man sa pagduso sa disiplina sa mga Dabawenyo ug mga turista, ilunsad sa Davao City Information Office ang #DabawowDisiplinado Video making Contest.

Mayo 1, 2024 gipahibalo ang maong indigay diin mahuman kini Hunyo 14, 2024, kini suma sa Davao City Information Office.

Ang video-making contest abri sa mga video production-savvy nga residente sa Davao City. Ang mga partisipante sa maong indigay momugna lamang og mubo nga mga video nga magpakita kung paunsa ang mga Dabawenyo o mga turista nalingaw sa lain-laing mga destinasyon sa Davao City, samtang nagpakita sa disiplina ug pagsunod sa mga lokal nga ordinansa ug regulasyon sa siyudad.

Ang tanang salmot kinahanglan lamang nga mahimo gikan Mayo 1 hangtud Hunyo 14, 2024 ug nakabase sa tema.

Hangtud lamang sa Hunyo 15, 2024 ang pag-submit sa mga entries ug i-padala sa email nga hulagwaycio@gmail.com.

Ang mga mananaug sa maong indigay makadawat ang 1st prize P30,000 samtang P20,000 sa 2nd prize, P10,000 ang sa 3rd prize ug adunay P5,000 sa mahimong People's Choice Award ug P5,000 alang sa pito ka mga consolation prizes.

Sa mga partisipante bisitaha ug mag-download sa mga mechanics ug registration forms apil ang logo sa https://bit.ly/4b2G1cj. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph