GITAKDANG mohatag og pagpamulong si Davao City Third District Representative Isidro Ungab sa Lunes, Agosto 4, 2025, nga magkuwestiyon sa giamendahan sa bicameral committee nga "automatic appropriations" sa 2025 national budget.
Matud ni Ungab sa iyang 15 ka tuig nga pag-alagad sa Kongreso, kini pa ang unang higayon nga ang "items" ubos sa Automatic Appropriations ang giamendahan sa bicameral conference committee.
“These unprecedented changes raise serious constitutional questions and have profound implications for government operations and the welfare of every Filipino,” mtud niya sa iyang pahayag niadtong Hulyo 31, 2025.
Gikanayon ni Ungab sa iyang pagpamulong nga iyang ikuwestiyon ang kabahin sa pagdumala sa bicameral conference committee sa duha ka dagkong funding mechanisms: ang Special Accounts sa General Fund (SAGF) ug ang Use of Income sa General Fund (UIGF).
Gitin-aw niya nga iya sab nga ipresentar ang detalye sa analisis sa specific alteration nga gihimo ngadto sa SAGF ug alokasyon sa UIGF sa "constitutional and legal implication of modifying automatic appropriations, potential impact on the government services and programs, and the recommendations for corrective legislative action."
Esplikar niya nga di sama sa tinuig nga legislated New General Appropriations Act, ang Automatic appropriations mao ang mga pundo nga gitugtan lang sa "existing laws that do not need yearly approval" gikan sa Kongreso.
Ang SAGF ug ang UIGF nahulog ubos niining "protected category" nga nagpasabot nga ang alterasyon sa bicameral committee usa ka “breach of established budgetary procedures and constitutional provisions.”
Sayo niini, nagpadayag si Ungab og kabalaka bahin sa "discrepancies" sa Bicameral Conference Committee report, nag-angkon nga dunay mga blangko sa dokumento.
Gisulti na ni Ungab niadtong Enero 18, nga mga seksiyon nga dunay kalambigitan sa Department of Agriculture ug wala maprograma nga mga gahin dunay daghang mga "missing figures," apil na ang mga kantidad nga niabot og binilyon ka pesos.
Kahinumdoman, nagserbisyo si Ungab isip tsirman sa Committee on Appropriations sa 16th ug 18th Congress ug sa Committee on Ways and Means sa 15th Congress. (Rojean Grace G. Patumbon)