LAUMAN nga hinay ngadto sa walay agas nga tubig nga gisuplayan sa Dumoy Water Supply sa Davao City Water District gumikan ang tulo sa ilang mga Water Supply System naapektuhan sa nakalabay’ng pagbaha sa Talomo District, Davao City.
Sa taho sa dxDC RMN Davao, gibutyag ni DCWD Spokesperson Jovanna Duhaylungsod nga ang Dumoy Water System, Tugbok System, ug Lubogan System naapektuhan sa pagbaha nga miigo sa onse ka mga barangay sa siyudad sa miaging mga gabii.
Gipasabot ni Duhaylungsod nga temporaryo nga giputol sa Davao Light and Power Co., ang mga linya sa kuryente sa mga dapit nga naigo sa bahay hinungdan nga naapektuhan ang mga makina nga gigamitan og kuryente.
Sumala pa nga ang pagputol sa linya sa kuryente kabahin sa safety measures hinungdan nga naapektaran sab ang mga makina sa tulo ka water system rason nga walay agas sa tubig sa mga lugar nga gibaha.
Dugang sa opisyal nga ang Talomo District ang pinakadaghang konsumanteng nawad-an og tubig diin ang ilang suplay nagagikan sa Dumoy Water Supply System.
Dali sab dayon nga giatiman ang maong suliran, diin gipasalig sa DCWD nga sa mosunod nga mga adlaw mabalik na sa hinay-hinay ang regular nga suplay sa tubig. (Joel Viray, DXDC RMN Davao)