White lady nag-atang sa tulay?

Gikalisang human nga na-post sa Facebook, apan…
White lady nag-atang sa tulay?
Contributed photo

KIDAPAWAN CITY - Gikalisang sa katawhan ang usa ka giingong white lady nga nasiplatan nga nag-atang sa tulay alas 10 sa gabii, niadtong Huwebes, Pebrero 15 didto sa probinsiya sa Cotabato.

Nag-trending sa Facebook ang hulagway sa giingong white lady nga nagtindog sa tulay sa Barangay Bannawag utlanan sa Barangay Pisan sa Kabacan, North Cotabato.

Sigun sa post nga usa ka molupyo sa Barangay Bannawag nga sakay sa motorsiklo ang nakakita sa giingong white lady sa tulay ug iya kining na-piktyuran.

Tungod sa post sa social media, grabeng kahadlok ang gibati sa mga molupyo sa Kabacan ilabina ang mga kabatan-onan nga moagi sa tulay panahon sa kagabhion.

Apan sa pagsusi sa LGU-Kabacan usa ka pagpanghadlok lamang ang hulagway sa white lady ug edited kini.

Tumong lamang sa nag-edit sa hulagway nga sundon nga dili manggawas ang mga kabatan-onan panahon sa gabii ilabina nga dunay curfew sa mga minor de edad sa lungsod sa Kabacan.

Giklaro sa nag-post nga dunay hulagway siya sa tulay ug iya nga gipasa sa iyang kaila ug gipadala kini og balik sa iya nga duna nay white lady nga nagtindog sa tulay, apan kini edited lamang. 

Pahimangno sa awtoridad nga mamahimong responsable sa mga posts ug kana lamang tinuod aron nga dili mohimo og kahadlok sa mga tawo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph