Defense!

ANDAM na kaha ang taga-Cagayan de Oro nga modepensa sa ilang balwarte batok sa mga dayo? Mao kini ang pangutana kay abrihon karong adlawa ang dayohonon nga 6th Barangay Carmen Open Chess Tournament, nga ipahigayon didto sa Brgy Hall Covered Courts.

Nakompirma kini ni tournament organizer Joseph “Jokorn” Maestrado nga modayo na sab ang nanghawod sa niaging tuiga nga si Henry Lopez, taga Panabo city.

Gawas kang Lopez, nakompirma sab nga ubay-ubay nga taga-Pagadian ang modula aron tilawan ang asido sa kagahi sa linya nga mosalmot sa karon nga torneyo.

“Kompirmado si Lopez ug taga-Pagadian nga modula sa torneyo ug naa pa gi-expect sa torneyo,” ingon ni Aldin Ranario, usa sa magdumala sa torneyo.

Gibantayan sab entrante sa taga-Iligan nga sila Fidemaster Victor Bruce Lluch ug si Bengt Largo nga moapil sa karambola.

Gilaoman sab ang mga kusog nga pambato sa lokal nga sila FM Lyndon Lumancas, ang duha ka National Master nga sila Rustum Tolentino ug Levi Mercado, Johnnel Balquin, Silverio Abasolo, Antonio Chavez ug Bryan Jose.

Testingan sab ang asido sa mga batan-on sa dakbayan nga sila Othniel Adrian Yulo unga magsuong Romeo ug Ronald Canino nga pulos nasulod sa top 10 sa class B open sa Carmen nga torneyo niaging semana.

Kapin sa P30,000 nga cash prize ang gahulat alang sa mananaog diin ang kampyeon mouli og P10,000. Nasponsoran kini ni Cong. Klarez Uy, konseho sa Carmen, nga gipangulohan ni Kapitan Lorna Uy ingon man sab kang Kagawad Joaquin “Kikang Uy” ug kauban.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph