GIKORONAHAN isip Hiyas sa Kadayawan 2023 si Kris Claire Tar sa tribung Bagobo-Klata sa Coronation Night sa Petro Gazz Gymanisum, Biyernes sa gabii, Agosto 18, 2023.
Ang iyang napulo pa ka mga katigi gikan sa mga tribung Tausug, Sama, Maranao, Maguindanaon, Kagan, Iranun, Obu-Manuvu, Matigsalug, Bagobo-Tagabawa, ug Ata. Tar.
Sa dihang gipangutana, “How does Hiyas sa Kadayawan empower women of Davao City?”
Tubag niya, “Hiyas sa Kadayawan is a great avenue for us to show not only our strengths as a tribe but only to show as a woman that we are powerful, that we have a voice, that we are talented.”
Sa pinakalit nga paghinabi kang Tar, butyag niya nga wala niya damha ang pagkorona kaniya isip Hiyas sa Kadayawan. Ang iyang gitutukan mao ang iyang gipakigbisugan nga iyang adbokasiya nga mao ang "sustainability" sa ilang kabilin ug paghabi (weaving).
“I will promise na I will really fight to make my advocacy come to life and really actualize kay para dili lang siya [so it is not only through words naku pati [but through] action also,” pasalig ni Tar.
Gihisgutan ni Tar nga ang tanang mga babaye kinsa nisalmot sa tigi angayan sa korona ug tingali siya lang ang gikoronahan tungod sa dinalian sa iyang adbokasiya sa pagbuhi sa ilang paghabi.
Bahin sa iyang serbisyo isip Hiyas, gitumbok ni Tar isip tinun-an sa abogasiya, di kini makababag sa iyang paglihok sa iyang mga tahas. Iyang gipasalig nga ang iyang unang prayoridad sa pagkakaron mao ang iyang responsabilidad ngadto sa tribu kay ang "law school" makahuwat hangtud nga matubag ang isyu sa iyang tribu sa madaling panahon.
Isip Hiyas, unang butang nga lihukon ni Tar mao ang pagbuhi sa ilang kultura ug ang paghabi dili lang sa ilang tribu Bagobo-Klata apan lakip na asb sa laing napulo ka mga tribu. Gawas sa iyang adbokasiya, iyang ilakip ang adbokasiya sa Hiyas sa Ata Niña Mie Lausan sa edukasyon.
Samtang sila si Althea Asnawi sa Tausog ug Juhanah Sultan sa Maranao nga tribu maoy nahimong royal court ni Tar isip Hiyas sa Panaghiusa 2023 ug Hiyas sa Kalambuan 2023, sa maong han-ay.