GIPANGITA na sa Digos City Police Office (DCPO) ang duha ka mga armadong lalaki nga kalit lang mipatim-aw ug namusil didto sa Barangay Aplaya, siyudad sa Digos.

Maayo na lang nga wa naigo si Dante Reducto, 38, minyo ug lumolupyo sa maong lugar, sumala ni Police Officer 2 Benjie Gemina.

Updates on President Benigno Aquino III's presidency

Si Gemina nagkanayon, mga alas 9:12 sa gabii, Lunes, samtang nagtindog ang biktima didto sa tugkaran sa iyang bay kalit lang nilanog ang masipang buto apan wa siya maigo.

Mga suspek, sumala sa mga nakakita, nagsul-ob og jacket ug nag-helmet nga nagsakay og kolor itom nga Honda Wave nga motorsiklo.

Narekober sa kapulisan ang duha ka mga basiyong bala sa kalibre .45 didto sa lugar diin nahitabo ang insidente.

Di pa sab masubay sa kapulisan ang motibo sa pagpamusil sanglit wa na nila igkita ang biktima human nisibat sa wa matinong lugar sa kahadlok nga balikan siya sa mga suspek.

Nihimo na ang kapulisan og dugang pakisusi sa maong hitabo. (Dondon Dinoy)