DUHA ka mga babaye ang gipanigbas niadtong Martes mga alas 6:30 sa gabii sa Poblacion lungsod sa Lagonglong, Misamis Oriental.

Giila ang biktima nga mao sila si Emer Sumaya, 41, ug sister in law niining si Renie Adalen, 21, sa susamang dapit.

Gitumbok nga suspetsado ang lalaking nailhan lamang sa pangalan nga Jimmy, sa susamang dapit.

Kalit lang nga misaka sa puloy-anan sa mga biktima si Jimmy ug deretsong gipanigbas ang duha ka mga biktimagamit ang sundang.

Si Sumaya nakaangkon og lima ka igo sa likod nga bahin samtang duha ka igo sa kamot si Adalen kinsa pulos kritikal ang kondisyon sa Northern Mindanao Medical Center (NMMC) ning siyudad sa Cagayan de Oro.

Wala gikabutyag ang rason sa gihimong pagpanigbas sa biktima. Niini padayon pang giimbestigasahan sa kapolisan sa Lagonglong Police Station ang hitabo. (SVB)