DUHA ka mga dagkong power corporation sa Sugbo nakig-alayon sa Department of Environment and Natural Resources (DENR) inabagan sa mga residente sa barangay Gen. Climaco, dakbayan sa Toledo naningkamot nga panalipdan ang Malubog watershed.

Gilusad kagahapon ang Malubog Watershed Conservation Project sa Toledo city sa dihang naghiusa ang Cebu Energy Development Corp. (CEDC) ug ang Toledo Power Company nga mi-umol og Kabilin Program.

Updates on President Benigno Aquino III's presidency

Ang maong programa nagtutok sa mga kalihokan may labot sa pag-preserbar sa kinaiyahan og livelihood development nga magsilbi nga kabilin ngadto sa sunod nga henerasyon.

Ang Malubog Watershed preservation maoy labing unang proyekto sa Kabilin nga nakigtambayayong sa DENR ingon man sa Toledo City Government.

Gitinguha sa maong grupo nga ka-protektahan ang 100 ka ektarya nga forestland sa Malubog Watershed, gani usa ka memorandum of agreement ang gipirmahan sa tulo ka mga ahensiya alang sa maong katuyoan.

“The project will also address the situation in Malubog lake and allow locals to continually enjoy nature while understanding the need for individual responsibility for the environment,” tipik sa memorandum.

Atol sa kalihokan 30 ka mga residente ang gitunolan sa ilang certificates of land stewardship ang maong mga residente maoy mangunay og atiman sa watershed pinaagi sa pagpananum og fruit bearing trees sa ilang dapit.