MIABOT na ngadto sa 47 ka mga tawo ang nakalapas sa gun ban sa Rehiyon 12 (Soccsksargen).

Sa pakighinabi sa Bombo Radyo kang Police Chief Inspector Jomar Alexis Yap, tigpamaba sa PNP Region 12, siya nagbutyag nga sa maong gidaghanon, 33 kanila mga sibilyan, pito ang sundalo, lima ang mga pulis ug ang laing usa empleyado sa gobyerno.

Mikabat usab sa 26 ka mga high powered firearms ang nasakmit sa mga otoridad, 19 ang power firearms, unom ka mga bladed weapons, usa ka granada, ug usa ka eksplosibo.

Gidugang ni Chief Insp. Yap nga 35 ka kaso na ang napasaka ngadto sa Prosecutor's Office samtang walo ang padayon pa nga gi-imbestigahan.

Ang taho ni Chief Inspector Yap nagkanayon nga ang maong gidaghanon mao ang unod sa report nga gipagawas sa PNP-12 sa miaging Pebrero 8, 2010.

Mibahad sab si PNP 12 Regional Director Chief Superintendent Josefino Catalu¤a ngadto sa mga pulis nga milapas sa Comelec gun ban, nga kun makit-an nga mag-escort og mga kandidato nga walay pagtugot sa ilang pamunuan tangtangon sila sa puwesto ug mag-atubang og silot. (Edgardo Fuerzas)