NAPANIT ang tibuok lawas sa usa ka 9 anyos na bata human nalapwahan niadtong Domingo, mga alas 4:30 sa hapon sa KM-4, Lumbia ning siyudad sa Cagayan de Oro.

Giila ang biktima nga mao si Jechel Bayog, sa susamang dapit.

Nasayran nga nagluto og balot ang pamilya niini aron ibaligya ug ang igsuon niining kamaguwangan misugo sa biktima nga haunon ang balot nga giluto.

Tungod kay dili man maabot sa biktima ang ibabaw nga bahin, nitongtong kini sa bangko ug gikab-ot ang mga nalutong balot apan naligid ang bangko hinungdan sa pagkahulog sa biktima ug disgrasyang nayabo sa lawas niini ang nagbukal pa nga ininit.

Napanit ang lawas sa biktima apil ang nawong niini nga gidali pagdala sa Northern Mindanao Medical Center kinsa padayon pang giobserbahan sa mga doctor ning panahona. (SVB)