NAGA-WORKSHOP na karon sila si Gretchen Barretto ug Bea Alonzo alang sa usa ka project nga ilang ubanan sa ABS-CBN.

Sumala ni Gretchen nga nakita na gayud niya kung unsa ka-maayong moarte si Bea apan bisan pa man niini, wala daw siya nahadlok nga matabunan sa young actress sa inaktingay.

Sumala ni Gretchen, inay ma-intimidate, ma-inspire siya ug mas ma-challenge kung makauban niya kini sa project.

Giklaro ni Greta nga wa sab siya'y plano nga makigpatalbugan kang Bea ug mas gusto niyang mahatagan siya sa young actress og tips sa acting.

Niya, mao daw kini ang iyang ginahimo kung may kauban siyang mas maayo sa usa ka project. Inay iyang talbugan, iya kining pakig-close-an aron nga may matun-an siya.

Wala pa sa'y ideya si Gretchen kung kanus-a sugdan ang ilang serye ni Bea apan gibutyag niyang excited na siya niini.

Di sab buot tubagon ni Gretchen ang mga pangutana nga ang maong project ba with Bea, mao unta ang ilang project sa sister nga si Claudine Barretto nga wa mahinayon.

Kahinumduman nga miambak na sa Kapuso channel si Claudine. Karong March 7, ilusad na si Gretchen isip ABS-CBN talent.