DRUG pusher ug igsuon nadakpan uban sa daghang shabu ug granada sa ilang posisyon sa buy-bust operation kagahapon sa alas 12:00 sa udto sa Barangay West Poblacion, dakbayan sa Naga.
Nasikop mao si Nelson Requiron Oliva, 39, ug iyang maguwang nga si Hermie Oliva, 41.
Si PO2 Gilmer Noval, imbestigador sa Naga Police Station, niingon nga nipalit sila og shabu nga mobalor sa P200 gikan ni Noel ug dihang nitunol sa drugas, gihimo dayon ang pagsikop kaniya.
Sa pagrekisa, nakuhaan pa siya og laing lima ka putos sa shabu ug usa ka granada.
Ang duha pasakaan og tukmang kasong karong adlawa sa paghupot og drugas ug granada.