WALA nay kinabuhing nagbitay ang usa ka lalaki kinsa giingong nagpakamatay gumikan kay naguol sa iyang kasong rape.
Si Jimmy Cadalso Lasaca, 30, ulitawo, mag-uuma, patay nang nakaplagan alas 10:45 sa buntag didto sa Purok 1-A, Bunawan.
Sa gihimong imbestigasyon ni Police Officer (PO2) Roldan M. Aquino sa Bunawan Police Station, naguol ang mag-uuma gumikan sa iyang kaso
nga paglapas sa Republic Act No. 8353 kun The Anti-Rape Law of 1997
nga anaa na Women and Childrens' Protection Desk (WCPD) sa Bunawan Police Station.
Ang mag-uuma nagbitay na sa sanga sa Mangga gamit ang nylon nga pisi nga gihigot sa iyang liog.
Sa imbestigasyon, migula nga walay foul play ang kamatayon sa mag-uuma kinsa gihaya sa Rivera Funeral Homes sa Licanan, Bunawan. (Jeepy P. Compio)