ANG POSIBLING pagpakigsangka sa Kazakhstan batoki sa Gilas Pilipinas sa quarterfinals wa makapahadlok ni Kazakhs coach Matteo Boniciolli.

Way nadag-an bisag usa ang Kazakhstan sa second round sa Fiba-Asia championship preliminaries ug hayag ang posibilidad nga ang host team Philippines maoy ilang makontra ugmang adlawa sa quarterfinals game human mapildi ang Chinese-Taipei sa Qatar kagahapon.

Kon midaog ang Gilas batok sa Hong Kong kagabii, ang Pilipinas maoy moangkon sa unang dapit sa Group E ug ang Kazakhz nga maoy no. 4 sa pikas grupo maoy ikasangka sa mga Pinoy.

“If it’s clear that we will play Gilas, we are the underdogs because we will play against a great coach, great team and a great crowd,” padayag ni Boniciolli, kansang team napildi, 92-89 sa Gilas Pilipinas atol sa friendly match sa wa masugdi ang torneyo.

Apan wa isalikway sa Italian coach ang posibling pagpakaging sa Gilas atubangan sa mga fans niini bisan pa man og gihamok sa injuries ang iyang naturalized pointguard nga si Jerri Jonson, u gang 6-8 nga si Mikhail Yevstigneyev ug ang 6-4 nga si Konstantin Dvyrnyy.

Ang Kazakhstan napukan sa China, 67-73, South Korea, 47-71, ug Iran, 53-85, sa second

round ug mitapos sa duha ka preliminaries nga may 2-3 nga record.