NILANDIG sa balay tambalanan ang usa ka lalaki human na-hit and run niadtong niaging adlaw mga alas 5:00 sa hapon.

Nadala sa Northern Mindanao Medical Center ning dakbayan sa Cagayan de Oro si Ronnie Antipuesto, 35, minyo nga taga Laguindingan, Misamis Oriental.

Nakaangkon og daghang mga pangos ug bun-og sa lawas ang biktima.

Nasayran nga pauli na ang biktima gikan sa iyang trabahoan sa Brgy. Puntacon, Opol, Misamis Oriental niadtong higayona dihang pagtabok niini sa high way sa Igpit, Opol wala niini mabantayi ang naghaguros nga pick-up.

Maayong pagkasapon sa biktima hinungdan sa naangkon niini nga mga kadaut.

Samtang ang suspetsadong drayber nisutoy lang sa pagpadagan biniyaan ang nagbuy-od nga biktima.

Kini nga kaso giatiman na sa kapolisan sa Opol sa pagsulat ning balita.