Bartolome Man. Panilago
Lacaron, San Fernando, Cebu
Nagpangamay kamong tanan,
Miabiba sa akong pag-abot.
Sa akong tan-aw sama kamo sa Diyosa
Sa mga dalilang nga mikunsad
Daw engkantada sa kagabhion.
Buot ninyong pisilon
Ang lisay sa akong lutahan,
Lakip na ang akong bugan
Nga gipanuhot sa subrang kahago
Sa akong kalawasan.
Diha pa ako makamatngon
Nga ang sulod sa akong bulsa
Nga alang sa kunsumo sa pamilya
Nakagot …human ko himat-i
Gikan sa akong pagkahinanok,
Nga kamong tanan nga giisip
Kong manulunda mga masahista diay
Sa ‘lingam’ nga nagpaursa
Sa di tiaw kong kahidlaw.