GRADUATING sa high school sa Cansojong National High School sa Barangay Cansojong, Talisay City ang nipasangil sa iyang schoolmate nga nilugos kaniya sud sa internet café.

Ang 16-anyos nga biktima (ngalan gitago), nitug-an sa imbestigador sa women’s desk sa Talisay City police station nga nanguyab kaniya ang suspek dihang nagtungha pa sila sa 3rd year apan iyang gi-basted.

Tungod kay nakighigala, iya lang usab kini nga gitagad ug nikompyansa sa suspek.

Click here for Election 2010 updates

Ang 28-anyos nga suspek (gitago sab ang ngalan), taga Kimba, Cansojong, nagtrabaho isip tigbantay sa internet café.

Ang biktima nagkanayon nga nahibawo ang suspek nga duna siyay project nga himuonon ug i-research sa Internet ug gitanyagan siya nga paadtuon sayo sa buntag niadtong Biyernes sa gitrabahuan niining internet café.

Gumikan kay nisalig, sayo gyud sa buntag niadto ang biktima apan wa niya damha nga duna na diay ngil-ad nga plano ang suspek ngadto kaniya.