NAGTINGKAGOL sa prisuhan ang usa ka lalaki human giakusahang nilugos sa uyab niini sa Puntod ning siyudad sa Cagayan de Oro.

Nasikop sa kapolisan sa Police Station 2 (PS2) sa Cogon ang 28 anyos nga mao si Jerson, (bansagon gipugngan) human mihangyo sa Sun.Star SuperBalita, nagtrabaho sa Cugman ning siyudad.

Giakusahan ang biktima nga milugos ni Jena (bansagon gipugngan) 18, silingan sa suspek apan giingon nauyab niini ning panahona.

Gibutyag ni Jerson nga moabot nga ngadto sa tulo ka bulan ang relasyon nila ni Jena nga wala masayod ang mga ginikanan niini.

Apan ning uwahi nasayran nga nagmabdos si Jena ug dili madawat sa mga ginikanan niini ang nahitabo hinungdan nga gireklamo si Jerson nga maoy milugos sa ilang anak.

Niadtong Domingo mga alas 10:00 sa buntag nasikop si Jerson human nisibat didto sa Puntod ug nitago sa Cogon nga bahin.

Apan ang kapolisan gikan sa Police Station 5 (PS5) sa Macabalan nakig-coordinate sa PS2 ug gipahibalo ang nahimutangan niini hinungdan nga girespondehan ug malampuson nga nasikop.

"Ang mga ginikanan raman ni Jena ang disidido nga kasohan ko pero akong uyab disgusto man nga mapriso ko labina nga ang nahitabo namo dili man pinugos," ni Jerson. (Stephanie V. Berganio)