SA TUMONG nga maprotektahan ang kinaiyahan, mahatagan og higayon nga mapadaghan pa ang kaliwat sa nagka-anam na'g kahurot nga Philippine Eagle dinhi nga maoy national bird sa nasud, laing kompanya na sab ang misagop, mitabang sa kalihukan nga ma-protektahan ang maong kaliwat sa hayop.
Kagahapong adlawa, pormal nga gihimo ang paglagda sa memorandum of agreement tali Philippine Eagle Foundation sa siyudad ug Dow Philippines, atol sa Club 888 Forum diha sa Marco Polo Hotel.
Ang Dow Chemical Pacific Ltd. dunay business center sa Makati City.
"This is a remarkabale opportunity na makatulong tayo in preserving our Eagle and help the environment," ni Bobby Batungbacal, country manager sa Dow Philippines.
Sud sa lima ka tuig suportahan sa kompanya ang eagle nga gisagop niini.
Sumala pa nga ang eagle nga gisagop sa Dow Philippines napusa niadtong Nobyembre 12, 2002.
Nauna kini nga giila nga “Mia” apan ang Dow Philippines nag-angga kaniya og 'Sambisig' kun “One Vision.”
"We have one vision and that is to preserve our environment. Let's help one another in saving our bird, rainforest, let's work together," ni Dennis Salvador, executive director sa Philippine Eagle Foundation.
Ang agila nga gisagop sa kompanya, walo ka tuig na, diin kini napusa pinaagi sa natural breeding technique.
Mga ginikanan sa maong agila mao sila Jag ug Ka Brianne, duha ka agila nga natural nga gipares sa Philippine Eagle Center diha sa Malagos, Baguio District ning siyudad.
"Dugang ni Batungbacal nga ang pagsagop nila kang 'Sambisig' sud sa lima ka tuig nga matapos 2016 kabahin sa ilang 'Dows 2015 Sustainability Goal' nga pag-protektar sa kinaiyahan lakip na ang abundang biodiversity niini.”
Sumala pa nga ang pag-atiman sa usa ka agila manginahanglan og P150,000 matag tuig.
Sa pikas bahin, si Salvador mapasalamaton tungod sa nagkadaghang kompanya nga nagapa-abot sa ilang suporta sa ilang kampanya.
"We thank the different sector helping us in protecting our national bird. The threat in the wild is increasing that is why we need more partners to help us in doubling more the number of this endangered specie," ni Salvador.
Sa datus sa Philippine Eagle Center, onse na sa 35 ka mga agila ang gisagop sa nagkadaiyang kompanya/benefactor.
"We are asking for the help sa adoption ng eagle natin. We have donors outside the country, but we appreciate much sa support ng local people natin, companies, sector. We ask the help ng media to help us in our cause," ni Tatit Quiblat sa Philippine Eagle Foundation. (ROG)