KUN di pa maaksiyunan, posibleng mas daghang kinabuhi pa ang makalas sa lugar diin asa nahitabo ang landslide didto sa Pantukan, Comval Province sa nakalabayng semana nga mikalas og ubay-ubay ka kinabuhi, daghan pa sab ang padayong gipangita.

Aminado si Leo Jasareno, direktor sa Mines and Geosciences Bureau (MGB) nga kun di pa molihuk ang kagamhanan nga ihiklin pa ang mga nahibiling nanimuyo sa lugar, di layo ang posibilidad nga mausab pa ang hitabo, diin daghan na sab ang mapagan.

"What had happened sa Pantukan ay posible pang maulit kun wala pa ring gagawing aksiyon ang gobyerno. Yung lugar is a hazardous area talaga. We already instructed the officials there to forcibly evacuate the people, kasi para na rin sa kaligtasan nila," sumala sa opisyal atol sa Kapehan sa Dabaw, Lunes.

Kahinumduman nga niadtong Biyernes Santo nahitabo ang pagdahili sa yuta sa usa ka minahan sa Pantukan, Comval Province.

Dugang sa opisyal nga may gipadala na silang geologist gikan sa kauluhan aron personal nga i-monitor ang lugar.

Sumala pa nga sa kasamtangan may gibana-banaang 30 ka pamilya pa ang nanimuyo sa dapit asa nahitabo ang landslide.

"Yung bilang na 30 is initial pa lang, posible mas marami pa sila. They are illegal miners in which sobrang delikado ng ginagawa nila," sumala sa opisyal.

Ni Jasareno nga daw ilaga ang mga minero sa dapit, diin bisan og delikado ang ilang kahimtang wala nila kini gihuna-huna basta lamang makakubkob og yuta nga mamahimo nilang kakuhaon og nagkadaiyang minerales.

"I'm so sorry to say the term ha, na para silang daga. Kun saan-saan lang gumagawa ng butas, they don’t care na kahit siguro tatlong poste lang ang kanilang bahay, okay na, basta lang makamina sila. Meron pang iba na nasa matatarik na areas ang bahay. For them di na nila iniisip ang safety because of poverty."

Aron kinatibuk-ang mapatuman ang pagpahawa sa mga nanimuyo sa lugar, gibutyag sa direktor nga nakigtambabayong na sila sa DILG ug PNP alang sa maong katikaran.

Subay sa katikaran, gimando na sab mga opisyal sa dapit ang 'forced evacuation' sa pamilyang nahibilin sa lugar sud sa 48 oras.

Mga opisyal sa pagpanguna ni National Defense Chief Voltaire Gazmin ug Interior of Local Government Secretary Jesse M. Robredo nanawagan sab sa istriktong pagsubay sa small-scale mining operations sa dapit.

Sa kasamtangan, nagpadayon ang retrieval operations diin kini gipaluyuhan sa 71st Infantry Battalion, municipal ug barangay response team, police personnel nga nadesignar sa lugar.

Bisan ang Department of Social Welfare Developmen-Davao Region ug Department of Health-Davao Region naghatag na sab og ayuda sa mga pamilya sa biktima. (Rhona O. Goc-ong)