TUNGOD sa suwat sa Office of the Ombudsman-Visayas, si Bise Gob. Gregorio Sanchez nagkanayon nga tukion sa sisyon sa Provincial Board (PB) karong adlaw ang resulta sa imbestgasyon sa ad hoc committee bahin sa kontrobersyal nga pagpalit sa yuta sa pamilyang Balili sa Naga.
Mao kini ang gibutyag ni Sanchez sa pakighinabi sa Sun.Star Cebu.
Si Assistant Visayas Virginia Palanca-Santiago nipada og suwat ngadto kang Sanchez nga pinetsahan og Pebrero 23, 2010 nga nangayo og kalamboan sa imbestigayon sa PB.
Dugang sa Ombudsman, gamiton usab nila kini sa ilang kaugalingong imbestigasyon.
Matod ni Sanchez sa Sun.Star Cebu, tan-awon niya kon unsay iyang mahimo sa pagpadali sa imbestigasyon sa PB sa dul-an sa P99-milyunes nga pagpalit sa kanhi resort sa Tinaan, dakbayan sa Naga.
Nahimong kontrobersyal ang maong pagpalit sa lalawigan sa luna human nabutyag nga dakong bahin sa 24-ka-ektaryang luna naa sa tubigan, hinuon, may tukma kini titulo.
Dugang ni Sanchez, wa siya mosulti sa mga miyembro sa investigation committee human nakadawat sa suwat bahin sa lainon ang pagsabot.
Busa, dason niya, ang PB Secretary’s Office maoy iyang gisultihan nga ibutang kini sa kalendaryo sa sisyon karong adlawa.
Samtang si PB Member Joven Mondigo Jr., chairperson sa Balili legislative inquiry uban ni PM Member Alfred Francis Ouano, nagkanayon nga hapit na matapos ang report ug nagpaabot na lang sa inputs sa iyang co-chair-man ug tibuok PB. (Gikan sa Sun.Star Cebu)
r