Mga duwa karon:
1:00 pm- USJ-R vs. DBTC (jrs)
2:30 pm- UV vs. USC (jrs)
4:00 pm- USJ-R vs. DBTC (srs)
5:30 pm- UV vs. USC (srs)
NASAKMIT sa PTT Fuel-University of the Visayas (UV) Green Lancers ang sayong liderato human nila gipangmakmak ang Prime Asis-Don Bosco Technological Center (DBTC) Greywolves, 94-76, kagahapon sa 2010 Partner’s Cup senior division sa Cebu Coliseum.
Ang Green Lancers naggunit na karon og 2-0 nga baraha samtang ang Greywolves nahagbong sa 0-1 nga rekord.
Sa junior division, midaog sab ang Baby Green Lancers batok sa Baby Greywolves, 87-54 samtang gipanglampornas Enervon-University of Cebu (UC) Baby Webmasters ang Bibo Hotdog-Cebu Institute of Technology (CIT) Wild Kittens.