Mga duwa karon

4:00 pm- Alaska batok Talk N’ Text

6:15 pm- San Miguel batok Derby Ace

LANGKATON og suway sa defending champion San Miguel Beermen ug Talk N’ Text Tropang Texters ang duha ka luna sa finals sa ilang pagpakigharong og balik sa ilang tagsatagsa ka kontra karong hapon sa Game 6 sa 35th Philippine Basketball Association (PBA) Fiesta Conference semi-finals series sa Araneta Coliseum.

Updates on President Benigno Aquino III's presidency

Ang Tropang Texters makigharong sa Alaska Aces sa premirong duwa unya ang Beermen makigbatok sa Derby Ace Llamados sa main game.

Parehong naggunit og 3-2 nga bintaha ang Beermen ug Tropang Texters sa best-of-seven nga mga sangka.

Ang Beermen aduna na unta’y kahigayunan nga makasulod sa finals sa Game 4 niadtong Biyernes apan gipakyas sila sa Llamados, 82-88.