GILUPIG sa suntok sa Pinoy nga si Eden Sonsona ang iyang Colombian nga kaatbang nga si Mauricio Pastrana pinaagi sa technical knockout sa final round sa 8-round bout Dominggo.

Si Sonsona, usa sa may mga undercard match sa away nila ni Manny Pacquiao ug Joshua Clottey.

Si Sonsona nga may 21-5, 7 KOs, mao ang ig-agaw ni kanhi World Boxing Organization (WBO) super flyweight champion Marvin Sonsona samtang si Pastrana nga may 35-13-2, 23 KOs, mao ang kanhi WBO NABO super bantamweight champion.

Una nang napatumba ni Sonsona si Pastrana sa Round 3.

Sa pikas bahin, sa laing undercard fight nga may Pinoy, mitapos sa no contest.

Ang away tali sa Pinoy nga si Michael Farenas 27-2-3, 24 KOs ug Amerikanong si Joe Morales 20-13, 4 KOs, mitapos sa no contest human nga magpakong ang ilang ulo sa second round.

Ang maong panagpakong, miresulta sa pagkasamad og dako sa tuong mata ni Morales.

Si Farenas ang giingong nagkontrolar sa away una pa man kini giundang sa referee.