“Monster kitchen started as Monster kitchen ang academy ni follow nalang na siya year after. Natawo dayon ang academy it’s because of the demand of the public"

rSUKWAHI sa pasabot diin ang monster usa ka creature nga dako, pangit, ug makahadlok ang gihatag nga serbisyo sa Monster Kitchen Academy.

Alang kang Maggie Uy, ang asawa sa nanag-iya sa maong academy nga ang buot pasabot sa monster mao nga ilang ipadako ang negosyo sa ilang mga tinun-an.

“Monster means big, gigantic, it’s actually somehow for us to be able to inform the public nga through monster kitchen we can monster size their enterprise lugar,” pahayag ni Uy.

Natukod ang negosyo gumikan na usab kay usa kini sa mga requiremnts sa iyang bana nga si Jhon Michael Uy kinsa nag-tunghan sa Manila.

“Ako man gud husband nag study siya’g Enterprneurship sa Manila for them to be able to graduate, kinahanglan sila naa silay laboratory so he has to create his own business gyud,” dugang pa niini.

Nasayran nga migradwar ang magtiayon sa kurso nga layo kaayo sa ilang gipadagan karon nga negosyo ilabi na nga pulos kini sila Physical Therapy graduates ug dili usab nila hilig gawas ang pagkahilig nga mokaon og mga sweets.

Wala usab damha nga nagsugod kini sila sa gamay ilabi na isip Monster Kitchen ug gumikan sa demand sa katawhan hinungdan nga natawo na gayud ang Academy.

“Monster kitchen started as Monster kitchen ang academy ni follow nalang na siya year after. Natawo dayon ang academy it’s because of the demand of the public,” mapasigarbuhong pahayag ni Uy.

Gipasigarbo usab niini nga kung mo-gradwar ka sa maong academy, makasiguro gayud kini sila nga lami ang imong mga gipang-bake tungod na usab sa ilang pamaagi nga pinalahi sa ubang eskwelahan ug mga shop.

Dugang pa niini nga kasagaran sa ilang mga graduates gatukod og kaugalingong eskwelahan lakip na mga shops.

“Kung shop atong estoryahan gyud, I would say monster kitchen graduate means to say lami gyud na iyang product, it’s because our recipes here is kitchen tested. We did not google our recipes, it was really kitchen tested so lisod biya hundreds of recipes biya na siya so gi kitchen test gyud na siya. Number two, kung mo ingon kag in terms of school ang nakalahi namo sa uban we teach our students about theory," saysay niini.

Gibutyag niini nga sa baking usab, makitang aduna gihapon kini silay kalahian sa uban tungod na usab kay duha lamang ka eskwelahan sa Pilipinas ang nag-incorporate sa usa ka cake decorating.

Nasayran usab nga dili basta-basta ang academy gumikan kay namahimo na kining grand slam champion sa “Kumbira” sa professional level ug kaduha n aka tuig nga champion usab sa Student level.

Samtang niining milabay lang nag Kumbira 2016, ubay-ubay ang ilang mga nadawat nga mga awards sa ilang mag tinun-an sama na lamang sa Artistic bread showpiece, diin ang recipe title mao ang umahan ug nakadawat sila og Bronze, Floral Centerpiece for buffet: Diploma, Entremetier: bronze, Creative cake decorating: Gold, Chef wars: Silver award (highest award) qualify to compete in the nationals, Sugba de Oro: bronze (highest award), Pica-pica platter: bronze, My Own Umami creation: Gold (qualify to compete in the nationals) ug Best Filipino Umami Dish: Gold (qualify to compete in the nationals).

Duha lamang ang gi-offer sa academy diin mao kining Baking ug Culinary ug adunay lifestyle diin usa lamang ka adlaw nga session, 12 days ug 3 months program sa nagkadaiyang klase sa gusto nimong matun-an.

Dili usab basta-basta ang ilang mga chefs gumikan kay mga top 1 kini sila sa klase ug dili usab basta-basta nga certificate ang imong madawat human ka maka kumpleto sa academy tungod kay international ang imong makuhang certificate ilabi na ang US Wilton Certificate.

Makita usab nga malipayon ang mag chef sa academy gumikan kay halos kanila passion ang pagtudlo ilabi na isip usa ka chef sama na lamang nila ni Chef Dio Rafael Ratunil kinsa mi-gradwar sa kurso nga nursing ug gani nakatrabaho sulod sa lima ka tuig apan mas nalipay sa bag-o karon nga trabaho.

“Mas nakita nako akong self diri sa baking ,mas happy ko… passion gyud nako sukad pa sa gamay pa ko” ang malipayong pahayag ni Chef Ratunil.

Susama usab sa laing mga Chef nga mas nalipay kini sila sa ilang mga kasamtangang trabaho ilabi na nga pinaagi niini nakatabang sila nga ma-improve ang kinabuhi sa uban.

“K relate mi sa among motto, mission, vision nga we exist to improve lives, nakuha namo ang fulfillment nga nakatabang mi og improve sa life sa laing nga tao” pahayag niini.

Gitakda usab nga paga-ablihan ang unang branch sa Monster Kitchen Academy sa sunod bulan ilabi na sa Oktubre tuig 2016 sa siyudad sa Davao ilabi na sa may Elpidio Quirino Avenue, Davao City.