NAGKADAGHAN ang ihap sa mga binuang nga tawag ang natala sa Kean Gabriel Hotline sa buwan sa Hulyo human gipahibalo ang hotline sa telebisyon ug radyo.

Gikan Hulyo 1 ngadto 12, ang hotline nakatala sa 1,030 ka prank calls nga mas taas kompara sa 832 ka prank calls nga natala sa tibuok buwan sa Hunyo 2017.

Ang buwan sa Abril ug Mayo 2017 nakatala lamang og 751 ka mga prank calls.

Ang call taker sa Kean Gabriel hotline, Ritchie Glen Coralde, nagsulti nga sa buwan sa Hulyo nag-average sa 150 ka prank calls matag tuig.

Si Coralde nagsulti nga kini nahitabo human gilunsad ang advertisement.

“Kasagaran manawag kay mga bata, kanta-kantahon ang jingle," sulti ni Coralde.

Nasayran nga 169 ka mga kaso sa child abuse ang natala gikan Enero hangtud Hunyo 2017.

Ang physical abuse nagpabilin nga naa sa taas nga ranko nga dunay 70 ka mga kaso sa maong panahon. (Karina V. Cañedo)