GIINGONG luwas sa bird flu ang 21 ka mga toneladang manok nga nasakmit niadtong Miyerkules, Agosto 16, sa Oro port sa Macabalan, Cagayan de Oro.

Kini ang gibutyag ni Anita Barcelona, director sa National Meat Inspection Service (NMIS)-Northern Mindanao, ug midugang nga naghupot og insaktong papeles ang maong mga karneng manok.

Daw pag-abot sa maong mga karneng manok wala pa nagdeklarar ang kaulohan nga ihold ang tanan nga mga supply sa manok gikan sa Luzon tungod kay Agusto 14 ang deklarasyon nga babagan ang tanan poultry prudocts nga mahidangat sa rehiyon.

Apan matud ni Barcelona nga ang nasakmit nga mga manok ang naa nay permiso gikan sa NMIS-Central Luzon ug gihatagan og pagtugot sa pagbiyahe Agusto 8.

Gihulat na lamang karon sa NMIS-Northern Mindanao kon kining mga manok asa giihaw ug balido ba ang sertipiko nga gihuptan sa consignee niini.

Hinuon ang maong consignee kon planta sa manok ang gitago usa ang identipikasyon hilabina nga local supplier kini sa local market.

Sa pagkakaron, anaa pa sa mga planta ang manok ug dili usa ibaligya hangtod walay kumpirmasyon ug konsiderasyon nga abiso gikan sa kaulohan.

Gipaniguro sab niini nga layo sa Pampanga diin naggikan ang Avian Influenza kon bird flu virus nga moabot na sa 200,000 ka mga manok ang apektado.