ANG Cebu kinsa mikampeyon sa Nestea Beach Volleyball ug Davao Optima maoy usa sa mga kusog nga tim nga makigtigi sa second Mindanao Open Invitational Beach Volleyball sa Hunyo 18 sa Liza's Ihaw-Ihaw and Restaurant, Times Beach, dakbayan sa Davao.

Atol sa Davao Sportswriter Association (DSA) Forum sa NCCC Mall Davao, 2nd flr Food Cove Function hall, matud ni Philippine Volleyball Federation (PVF) Regional Director D'Artagnan Yambao nga ang tim Tawi-Tawi kinsa maoy defending champion sa men's tim, di makaapil sa kompetisyon.

"The Tawi-Tawi team, sila ang defending champion they can't attend because mag-start na ang Ramahdan kaya yung Nestea Champion sa Cebu na lang ang gi-invite namin."

Dugang ni Yambao nga moabot sa kinatibuk-an P200,000 ang premyo diin mouli og P30,000 ang kampeyon, P20,000, P15,000 ug P10,000 alang sa sunod nga tulo ka puwesto samtang dunay tag-P2,500 ang tims nga giimbita.

Niya pa ang mag-ilog sa titulo mao ang tims Holy Cross of Davao College (HCDC), Davao Optima, Ateneo de Davao University (AdDU), Jose Maria College (JMC), University of Mindanao (UM) Tagum, Digos, ug General Santos.

Mga tims magparehistro sa Hunyo 11, alas tres sa hapon dayon sundan og technical meeting samtang ang eliminasyon himuon Hunyo 12, alas otso sa buntag. (Marizz S. Robilla)