TACLOBAN CITY - Gipasakahan na og kaso ang upat ka responsable sa nahitabong pagpamomba didto sa Hilongos, Leyte sa miaging Disyembre. Sa upat ka responsable, usa pa lang ang nailhan sa kapulisan ug pulos nag-atubang og kasong multiple frustrated murder. Kini mao si Jake Anthony Macuto alyas Yusuf Perez Macuto, balik Islam ug usa ka giilang sakop sa Maute Group. Padayon pa nga giila sa kapulisan ang laing tulo nga kauban ni Macuto. Katapusang nasayran nga gipuy-an ni Macuto mao ang Barangay Concepcion sa nahisgutang lungsod. Niadtong Disyembre 28 sa alas 9:20 sa gabii, dunay boxing sa plaza sa Hilongos dihang nahitabo ang duha ka pagpamomba gamit ang improvised explosive device (IED) diin 32 ang naangol.