MIABOT sa kinatibuk-an 50 tims ang miduwa sa 11th SOS Football Festival-themed "All Together: Advocating Children's Welfare and Development through Football" didto sa Davao Crocodile Park Football Field bag-ohay lang.

Kini ang gipadala ni SOS CV Davao fund development coordinator Roxie Paguyan, sa usa ka e-mail diin ang tims naggikan sa Davao City, Maco, Davao Oriental, Agusan Del Sur, Tagum City ug Digos City nga mipartisipar sa kalihukan aron mapadayon ang pagpromotar sa pagkahiusa sa komunidad.

"Mostly from Mindanao lang yung mga participants kasi yung mga teams na nag-confirm from Visayas di po nakaabot sa event," ni Paguyan.

Dugang niya nga si SOS Children's Village Davao Board of Trustee Corporate Secretary attorney Aileen Lizada ang nag-welcome sa tim.

Samtang, ang Crocs FC ang midaug sa boys under-12 batok Medvil FC ug Toril Crossers A diin si Crocs' Matt Lim ang most valuable player (MVP).

Sa boys under 10, Miggy Caangay, ang nakakuha sa MVP award, human nangulo sa Hyenas FC kontra Maco A.

Bahin sa Amigos FC, gipildi ang South Shield FC aron mohari sa mixed under-eight category diin ang MVP mao si Jaime Togonon sa Amigos.

Ang Hagonoy Strikers ang midomina sa boys under 14 kontra Toril Crossers.

Sa boys under 17, ang Lasang FC ang nakatitulo kontra Holy Cross FC. (MSR)