GIDOMINAR nila Johnnel Balquin ug National Master Rustum Tolentino ang

Explore MisOr Open Rapid Chess Showdown niadtong Domingo sa Capitol Chess Club sa dalang Velez.

Parehas nihuman silang Balquin ug Tolentino nga adunay 6.5 puntos matag usa human sa pito ka rounds gamit ang Swiss System.

Apan naangkon ni Balquin ang unang pwesto human milamang og upat ka tie-break points batok kang Tolentino, kinsa nahulog sa ika-duha nga pwesto.

Parehas ang duha niharus og unom ka sunod-sunod nga kadaogan bago pa man nga nagtabla agi sa gentlemen’s draw sa kataposang round.

Apan solo naangkon ni Balquin ang first prize human manunsyo nga ‘no pooling’ o walay tunga sa premyo.

Busa, gibitbit ni Balquin ang first prize nga P3,000, samtang naangkon ni Tolentino ang P2,000.

Naangkon ni Abdul Halil Abdullah ang ika-tulo nga pwesto nga adunay unom ka puntos ug ang P1,000 cash prize.