HUMAN nanamilit ang GlobalPort Batang Pier sa quarter-finals sa Philippine Basketball Association (PBA) Philippine Cup, nagkanayon si coach Franz Pumaren nga tinguha niyang mokuha og dugang mga magduduwa nga makatabang sa ilang kampanya.

Gipasabot Pumaren nga makighugpong siya sa team management kabahin ning iyang lakang nga pagahimuon.

Ang Batang Pier na­namilit human gisagunsonan sila’g pilde sa Talk N’ Text KaTropa.

Hinuon alang kang Pumaren, maayo ra ang ilang gipakita apan haw-ang lang gyud ang ilang puwersa kon itandi sa mga gikahadlukan sa liga sama sa KaTropa.

“Even before the start of the season, I’ve been telling our management that this team, we’re a playoff contender,” matod ni Pumaren sa interbyu sa ABS-CBN Sports.

“But for us to move forward, we need at least two to three more players to fill in those gaps.”

Human sa ilang ka­pak­yasan batok sa KaTropa, nagkanayon si Pu­maren nga angayan na silang mohimo og lakang aron makakombati og insakto ug posible alang sa kampiyunato.

“Today’s game, I think, is a strong validation that we have a very shallow bench,” asoy ni Pumaren.

Nanghinaot si Pumaren nga mosuporta ang ma­nagement sa iyang plano.

“This is just a learning chapter for us. But for us to compete with the big boys, at the end of the day we still need players,” pasabot ni Pumaren.