NAKUHA ni Dr. Ma. Liza Berandoy ang titulo sa Sunday Bowlers Club (SBC) Weekly Single Tournament didto sa Fairlanes Bowling Center niadtong Dominggo sa gabii.

Miiskor og kinatibuk-an si Berandoy og 258 pinfalls human ang duha ka duwa.

Gipildi niya sila Emie Orteza nga mihimo og 233 pins ug Peddy Enriquez nga dunay 227 pinfalls alang sa ikaduha ug ikatulong puwesto sa maong han-ay.

Ang tulo nga nanguna nakadawat og premyong kuwarta sa torneyo nga dulaon na sab karong Dominggo sa parehong venue. (Marizz S. Robilla)