ANG babayeng bowler nga si Liza Berandoy nagpakurat sa iyang mga kalaban human makuha ang iyang ikaduhang sagunsong titulo sa Sunday Bowlers Club (SBC) Single Bowling Tournament didto sa Fairlanes Bowling Center niadtong Dominggo.

Si Berandoy mi-igo og kinatibuk-ang 238 pinfalls aron mapildi sila Jimmy Sia kinsa nahimutang sa ikaduhang puwesto ug Nonie dela Cruz nga nabutang sa ikatulo.

Si Sia miiskor og 236 pinfalls samtang si Dela Cruz mihimo og 232 pinfalls.

Ang mga midaog nakadawat og premyong kuwarta.

Nakuha ni Berandoy ang ikaduhang sunod nga daug sa maong torneyo human nga midaug sa milabay'ng semana nga gipildi sila Emie Orteza ug Peddy Enriquez kinsa maoy nahimutang sa ikaduha ug ikatulong puwesto sa maong han-ay. (Marizz S. Robilla)