DIGOS CITY -- Gipadlak sa prisohan ang usa ka chainsaw operator human nasikop sa kapulisan sa iyang balay sa Barangay Tres de Mayo, alas 6:37 sa gabii, Huwebes, Pebrero 16.

Si Digos City Police Office (DCPO) Chief Demetrius Taypin nag-ila sa dinakpan nga si Atrihinio Quiñanola, alyas Bebot, 44, dunay kapuyo.

Gipailawom sa manhunt operation ang suspek human niguwa ang warrant of arrest niini sa kasong murder gikan sa Regional Trial Court Branch 19 nga gilagdaan ni Executive Judge Carmelita Sarno-Davin niadtong Pebrero 6 ning tuiga.

Gihuwat na lang sa DCPO ang commitment order sa suspek nga ipaguwa sa korte samtang gipriso nga way gitakdang piyansa.