“CLUCK. Cluck. Cluck.”

Tingog na sa manok diin maoy gihulagway ni Amir Khan kang Floyd Mayweather Jr.

Matod sa TMZ sports, naputong ang 28-anyos nga si Khan human wala misugot si Mayweather nga moaway kaniya.

Tamodmod siya kay matod niya nga nisaad si Mayweather nga makig-away siya kang Khan niadtong pipila ka tuig.

Pero nakuratan lang siya pag-anunsyo ni Mayweather nga moretiro na ug ang iyang away batok kang Andre Berto mao ang iyang kataposan.

Mao na ang hinungdan nakatotok si Khan kang Manny Pacquiao nga kamulo pa iplansa ilang planong away nga gibanabana mahitabo sunod tuig.

Gibutyag na daan ni Khan nga dili siya mag-asa kung madayon ba o dili, labina nga si Pacman gitaho nga modagan pagka-senador sa nasod.