HUMAN sa ilang panagtigi sa NBA finals, subling mag-engku­wentro na usab og balik sila si Stephen Curry ug LeBron James.

Kini sa dihang ang lider sa bag-ong champion Golden State Warriors ug ang superstar sa Cleveland Cavaliers pulos no­mi­nado a­­­lang sa best male ath­lete sa ESPY A­­­wards.

Si Serena Wil­liams mao usab ang nag-una sa pilianan sa best female athlete.

Kauban nila ni Curry ug James nga mga kandi­dato sa best male ath­lete category mao ang Green Bay quar­­terback nga si Aa­ron Rodgers ug ang Houston Texans d­e­fensive end nga si JJ Watt.

Gawas kang Williams, naapil usab sa fe­male category si UFC fi­ghter Ronda Rou­sey, Connec­ticut bas­ketball player Breanna Stewart ug Olympic skier Lindsey Vonn.

Si Rousey napa­sidunggan isip best fi­ghter, uban ni Floyd May­weather Jr. Si Vonn napili usab nga best comeback athlete.

Nominado usab ang Tri­ple Crown winner American Pha­roah sa best championship per­for­mance uban ang laing tulo nga si­la si San Fran­cis­co Giants pit­cher Madison Bum­­­­garner, Flo­ri­da softball pit­cher Lau­ren Haeger ug James.

Si Curry ug James ang mag-ilog sa lain usab nga trophy sa best NBA player category nga nag­lakip usab nila ni Anthony Davis sa New Orleans, James Harden sa Houston, ug Russell Westbrook sa Okla­homa City.

Si Williams kaduha na usab ma nominar sa best female tennis player category.