GISAULOG ni Francis Casey Alcantara ang iyang adlaw'ng natawhan agi sa daug batok sa Indonesia atol sa doubles match sa Philippines versus Indonesia Davis Cup Asia Group II niadtong Sabado, Pebrero 4, didto sa Philippine Columbian Association open clay court sa Paco, Manila.

Giharus sa kusog nga panag-uban nila Treat Huey ug sa Kagayanong si Alcantara ang ilang Indonesian nga kaatbang nga sila David Agung Susanto ug Sunu-Wayhu Trijati sulod sa tulo ka sets sa iskor 6-2, 6-4 ug 6-4.

Labaw na ang RP Davies Team og usa ka daug gikan sa one-all nga tabla sa unang adlaw sa ilang team match.

Gisalubong og pildi ang RP Team human miretiro si Alberto Lim kang

Susanto sa desisyon nga set sa first singles.

Apan, gisalbar sa beteranong si Ruben Gonzales ang adlaw sa Pilipinas agi sa 6-2, 6-2, 6-4 harus nga daug kontra kang Aditya Hari Sasongko.