NAKADAWAT og "excellent" rating ang Eastern Mindanao Command (Eastmincom) atol sa Annual General Inspection (AGI) nga gihimo sa The Inspector General (TIG) sa Armed Forces of the Philippines (AFP) gikan niadtong Agosto 31 hangtud Septyembre 8.

Sa impormasyon gikan sa EMC, ang inspection team gipangunahan ni Lieutenant General Rafael Valencia.

Gisubay sa team ang headquarters sa Eastmincom sa ilang mga subordinate units ug gitan-aw nga nakapukos ba sila sa tulo ka mga areas sama sa Readiness, Systems Management, ug Mission Accomplishment.

Human sa inspeksyon migula nga maayo ang pagdala ug hitsas ang tanang butang sa pagpatuman sa mga angay himuon sa usa ka headquarters nga gipangunahan ni Lt. General Rey Leonardo Guerrero kinsa nakadawat sab og excellent rating human sa pagsubay nga anaa ang Systems Management uban sa sub-areas sa leadership, morale, ug discipline.

Ang AGI nagtumong nga masubay ang mga areas concern ug makita ang mga views ug issues nga kinahanglan aksyonan sa kasundalohan.

Dugang niini, gipaneguro sab sa AGI nga ma-evaluate kalahian ug mga haum nga polisiya, sistema ug mga paagi nga gihimo ug ipatuman alang sa mas taas nga kalidad sa lebel sa propesyon diha sa organization relative ngadto sa ilang mga unit performances ingon man sa mission accomplishment ug organizational transformation. (Jeepy P. Compio)