COTABATO CITY -- Sa unang higayon sa pagpahigayon sa Inaul Festival sa Buluan Maguindanao, mosalmot ang usa ka beauty queen.

Kini si Miss Universe Philippines 2016 Maxine Medina ug uban pang kandidata.

Ang taho gikumpirma ni Eman Aljani, chief of staff ni Maguindanao Governor Esmael “Toto” Mangudadatu.

Suma pa nga manguna ang mga beauties sa nagkadaiyang kalihukan sa Inaul Festival.

Ang Inaul ginasuot sa royal family sa Maguindanaon nga gilangkuban sa mga sultan ug prinsesa sa ilang kabanay.

Ang Inaul ginahabi sa mga babayeng Maguindanaon partikular ang gikan sa Buldon, Barira, Sultan Kudarat, Buluan ug ubang dapit nga parte sa Maguindanao.

Luyo sa mga beauties, mobisita sab sila Senator Loren Legarda ug Tourism Secretary Wanda Corazon Teo.

Bag-uhay lamang midugok sa dapit ang gatusan ka mga bikers gikan sa Luzon, Visayas ug Mindanao nga misalmot sa Mountain Bike Challenge.