NAKUHA gikan sa posisyon sa usa ka lalaki ang pito ka pakete sa gituohang shabu, granada ug usa ka kalibre .45 atol operasiyon sa kapolisan niadtong Miyerkules alas 2:30 sa kaadlawon sa Zone-2, Sitio Colanda, Iponan, Dakbayan sa Cagayan de Oro.

Nasikop sa tinugyanan sa Criminal Investigation and Detection Group (CIDG) Northern Mindanao Cagayan de Oro si Lowel Rosales Alyas Pahoy kinsa lumolupyo sa nahisgutang dapit.

Gibutyag ni Police Chief Inspector Melgar Alejandro De Varas nga mokabat ngadto sa P24 Mil ang gibana-banang kantidad sa pito ka pakete sa nakuhang shabu.

Ang suspetsado kasamtangang anaa sa kustodiya sa buhatan sa CIDG-Northern Mindanao samtang nagpaabot sa kaso nga posibleng ipasaka kaniya. (KCS/Sunnex)