KARON nang Marso 9 ipahigayon ang bidding sa pagtukod sa phase-2 sa bag-ong merkado sa Tabunok nga mokantidad sa P113 milyones.

Kini maoy gibutyag ni Talisay City Engineer Gamaliel Vicente Jr. kinsa nibutyag nga niadtong miaging semana ila nang napahigayon ang pre-bidding diin tulo ka mga kontrkator ang mitambong.

Samtang di pa usab seguro kon upat ba ka mga kompaniya ang mosalmot sa bidding sanglit kagahapon mao may deadline alang sa pagkuhag mga bidding document.

Ang phase-2 mokantidad og P98 milyones alang isdaan, mga karne, utanan, dry goods, covered parking lot, ug ang P15 milyones nga kantidad alang sa Seawage Treatment Plan (STP).

Ang phase-1 mao ang commercial building ug administrative office nga mokantidad og P52 milyones samtang gikatakdang mahuman karon nang Abril 8 base sa pasalig sa kontraktor ang Tuanson Construction.

Gibutyag ni Vicente nga seguro na usab nga ang Tuanson Construction moapil sa bidding alang sa phase-2.

Matod ni Vicente nga sa pagkakaron, anaa na 81.89 porsiyento ang pagtrabaho sa phase-2.

Masaligon hinuon siya nga mahuman ang phase 1 karong Abril 8.